Umumiy o‘rta ta'lim tizimida tabaqalashtirilgan ta'lim bosqichma-bosqich joriy etiladi

Normativ-huquqiy hujjatlar loyihalari muhokamasi portalida Vazirlar Mahkamasining “Xalq ta'limi tizimida maktab va maktabdan tashqari ta'lim sifatini yanada jadallashtirish bo‘yicha bosqichma-bosqich chora-tadbirlarni amalga oshirishga qaratilgan “Yo‘l xaritasi”ni tasdiqlash to‘g‘risida”gi qarori loyihasi joylashtirildi.

Xalq ta'limi tizimida maktab va maktabdan tashqari ta'lim sifatini yanada yaxshilash bo‘yicha bosqichma-bosqich chora-tadbirlarni amalga oshirishga qaratilgan “Yo‘l xaritasi”ga ko‘ra, umumiy o‘rta ta'lim tizimida tabaqalashtirilgan (differensial) ta'lim bosqichma-bosqich joriy etilishi mumkin.

2019-2020 o‘quv yilidan boshlab har bir hududda 2 tadan umumiy o‘rta ta'lim maktablarida tajriba sinov tariqasida tabaqalashtirilgan (differenitsal) ta'limni joriy etiladi. Tajriba sinov o‘tkaziladigan umumiy o‘rta ta'lim maktablari uchun fanlar kesimida alohida dastur va o‘quv rejasi tuziladi, tajriba sinov natijalariga ko‘ra tabaqalashtirilgan (differensial) ta'limni joriy etish bo‘yicha taklif kiritiladi.

Mas'ul ijrochilar - Xalq ta'limi vazirligi, Vazirlar Mahkamasi huzuridagi Davlat test markazi, Oliy ta'lim vazirligi.