O‘zbekiston shaharlari yangi avtobus qatnovlari bilan bog‘lanadi

Joriy yilda O‘zbekistonda yirik shaharlar o‘rtasida yangi muntazam shaharlararo avtobus qatnovlari yo‘lga qo‘yiladi. Bu haqda 2019-2025 yillarda turizm sohasini rivojlantirish konsepsiyasida aytilgan.

Yangi muntazam yo‘nalishlar uchta katta yo‘nalishda paydo bo‘ladi: «Toshkent - Samarqand - Buxoro - Xiva - Nukus», «Toshkent - Guliston - Jizzax - Samarqand - Qarshi - Termiz», «Qo‘qon - Farg‘ona - Andijon - Namangan».

Bundan tashqari, konsepsiya respublika mintaqalari o‘rtasida aviaqatnovlarni rivojlantirish, mavjud temir yo‘llarni takomillashtirish va yangilarini qurish, shuningdek, tezyurar elektropoyezdlardan foydalanishni kengaytirishni nazarda tutadi.

Barcha chora-tadbirlar natijasida mintaqalar o‘rtasida ichki sayyohlar oqimi yiliga 14 million kishidan 25 million kishigacha oshishi kutilmoqda.