Barcha viloyatlar, Toshkent shahri va Qoraqalpog‘iston Respublikasi elektr tarmoqlari korxonalari ta’minotdagi rejali uzilishlar jadvallarini e’lon qildi.
Jadvallarga ko‘ra, eng kam cheklovlar poytaxt Toshkent shahriga to‘g‘ri keladi – kuniga 1 marta va maksimum 2 soat.
Viloyatlarda esa cheklovlar 1-4 soatdan kuniga 4-7 martagacha, bir sutkada jami 12 soatgacha ekanini ko‘rish mumkin.
Ayrim viloyatlarda 1 soatdan kuniga 6 marta (sutkada jami 6 soat), ayrimlarida 2 soatdan kuniga 4 marta (sutkada jami 8 soatgacha), yana ayrimlarida 1-2 soatdan kuniga 7 marta (sutkada jami 12 soat) uzilish qilish reja qilingan.
Boz ustiga, e’lon qilingan grafiklar avariyaviy holatlardagi uzilishlarga taalluqli emas.
Hududlar bo‘yicha cheklovlar jadvallari:
— Andijon viloyati
— Buxoro viloyati
— Jizzax viloyati
— Qashqadaryo viloyati
— Navoiy viloyati
— Namangan viloyati
— Samarqand viloyati
— Surxondaryo viloyati
— Sirdaryo viloyati
— Toshkent viloyati
— Farg‘ona viloyati
— Xorazm viloyati
— Qoraqalpog‘iston Respublikasi
Toshkent shahri tumanlari bo‘yicha cheklov jadvallari:
— Olmazor tumani
— Bektemir tumani
— Mirobod tumani
— Mirzo Ulug‘bek tumani
— Sergeli tumani
— Uchtepa tumani
— Chilonzor tumani
— Shayxontohur umani
— Yakkasaroy tumani
— Yangihayot tumani
— Yashnobod tumani
— Yunusobod tumani
Rasmiylarga ko‘ra, cheklovlar hozirgidek talab yuqori sharoitda umumenergotizimda yirik avariyalarning oldini olish maqsadida kiritilmoqda. Grafikda belgilangan soatlarda elektr o‘chmasligi ham mumkin, bu ob-havo sharoiti va ta’minotdagi holatga bog‘liq. Iste’mol ortib ketgan vaqtda mavjud resurslarni qo‘l rejimida bo‘lib tarqatish jarayonida majburiy cheklovlar vaqtiga qarab, hududlarga taqsimlanadi.
Grafiklarni e’lon qilish tizimli tashkil etilmagan, natijada e’lon qilinayotgan juda ko‘p suratlarning sifati juda past, ularni o‘qish imkonsiz. Ayniqsa, Toshkent viloyati HETK kanaliga grafiklar o‘ta darajada sifatsiz yuklangan; “topshiriq bajarildimi, bajarildi” qabilida, qo‘l uchida ish qilingan. Bunday holatni boshqa qator viloyatlarda ham uchratish mumkin.
Agar elektr ta’minoti uzilganidan keyin uzog‘i 2 soat ichida tiklanmasa, 1154 raqamiga qo‘ng‘iroq qilish so‘ralmoqda.
O‘zbekiston hududlarida tok o‘chirilishi bo‘yicha jadvallar e’lon qilinishi haqida avvalroq energetika vaziri Jo‘rabek Mirzamahmudov aytgan edi.
