Apple tez orada uchta yangi noutbuk taqdim etadi

Apple kompaniyasi iyun oyi boshlarida uchta yangi modeldagi noutbukni taqdim etadi, deya xabar bermoqda Bloomberg.

Nashr ma'lumotiga ko‘ra, Apple rahbariyati bunday e'lon bilan San-Xose (Kaliforniya)dagi texnologik anjuman vaqtida chiqish qiladi. U 5 iyun kuni ochiladi. Kompaniya Intel’ning Kaby Lake protsessori bilan jihozlangan MacBook Pro’ni chiqarish niyatida. Shuningdek, 12 dyuymli MacBook va yangilangan hamda yangi protsessorga ega bo‘lgan MacBook Air taqdim etiladi.

Intel yoki Apple bu borada rasmiy izoh bermadi.