Metropoliten qurilishida tuproq ostida qolgan beshinchi odam jasadi olib chiqilib, shaxsi aniqlangan

Toshkent metropoliteni Yunusobod yo‘lining yangi qurilayotgan qismida halok bo‘lgan beshinchi fuqaro ma'lum bo‘ldi, deb xabar bermoqda Favqulodda vaziyatlar vazirligi matbuot xizmati.

FVV xabariga ko‘ra, Toshkent metropoliteni Yunusobod yo‘lining yangi qurilayotgan qismida yuzaga kelgan favqulodda vaziyatdan so‘ng olib borilgan qidiruv-qutqaruv ishlari natijasida bu yerda halok bo‘lgan beshinchi fuqaroning jasadi tuproq ostidan olib chiqilgan va uning shaxsi aniqlangan.

U 1996 yilda tug‘ilgan I.Rahmatovdir.

«Hodisa sabablari va oqibatlarini o‘rganish va bartaraf qilish ishlari davom etmoqda.

Hozirda, Hukumat komissiyasi tomonidan halok bo‘lgan fuqarolarning yaqinlariga zarur bo‘lgan yordamlarni ko‘rsatish bo‘yicha choralar ko‘rilmoqda», deyiladi xabarda.