Rasman: «Arsenal» 22 yillik tanaffusdan so‘ng Angliya chempioniga aylandi

Londonning «Arsenal» klubi muddatidan oldin futbol bo‘yicha Angliya Premer-ligasining 2025/2026 yilgi mavsumi g‘olibligini qo‘lga kiritdi.

Premer-liganing 37-turida «Manchester Siti» kutilmaganda «Bornmut» (1:1) bilan durang qayd etib, Mikel Arteta shogirdlarini muddatdan oldin chempion qildi.

37-tur yakuniga ko‘ra, «Arsenal» hisobida 82 ochko bor, «Manchester Siti» esa 78 ochko bilan mavsumni 2-o‘rinda yakunlaydigan bo‘ldi. 

«Arsenal» so‘nggi bor bundan 22 yil oldin, 2003/2004 yilgi mavsumda g‘olib bo‘lgan edi. O‘shanda jamoa mavsumni mag‘lubiyatsiz yakunlagan edi.