Toshkentdagi Baynalmilal ko‘chasi Seul sharafiga nomlanadi

Toshkent shahridagi Baynalmilal ko‘chasi Seul sharafiga nomlanadi. U rekonstruksiya qilinadi va Koreya yo‘nalishida bo‘ladi. Bu haqda Toshkent shahar hokimiyatidan ma'lum qilishgan, deb yozmoqda Gazeta.uz

Janubiy koreyalik mutaxassislar Beshyog‘ochdan Oqtepa shoh ko‘chasiga qadar bo‘lgan Seul ko‘chasini loyihalashtirish va dizayni bo‘yicha shahar arxitektura xizmati bilan hamkorlik qiladi.

Loyiha bilan Oqtepa kanali bo‘ylab sayr qilish joyi, shaharliklarning dam olishi uchun o‘rindiqlar, kafe, restoran va boshqa obektlarni barpo etish nazarda tutilgan.

Ta'kidlanishicha, loyiha O‘zbekiston tomonidan ishlab chiqilmoqda, biroq u Janubiy Koreyadan bo‘lgan ekspertlar tomonidan tasdiqlanadi.