Maktablar qurishga 3 trln so‘m ajratiladi va maktablar uchun 1 mlrd dollar mablag‘ jalb etiladi

Prezident Shavkat Mirziyoyev raisligida maktab ta’limidagi masalalar yuzasidan videoselektor yig‘ilishi bo‘lib o‘tdi.

Shavkat Mirziyoyev yig‘ilish davomida o‘quvchi o‘rinlarini ko‘paytirishga alohida to‘xtaldi.

Kelgusi yilda Investitsiya dasturi doirasida maktablar qurilishiga 3 trillion so‘m ajratiladi. Buning hisobiga 150 ming yangi o‘quvchi o‘rni yaratiladi.

Bunda asosiy e’tiborni 2 koeffitsiyentdan yuqori quvvatda ishlayotgan 595 ta maktabni kengaytirishga qaratish zarurligi ko‘rsatib o‘tildi.

Vazirlar Mahkamasi va Maktabgacha va maktab ta’limi vazirligiga bir oy muddatda maktablarga chetdan 1 milliard dollar (taxminan 12 trillion so‘m) jalb qilish bo‘yicha aniq hisob-kitoblar va loyiha takliflarini tayyorlab, xorijiy va xalqaro moliya tashkilotlari bilan amaliy ishlarni boshlash topshirildi.