Angrenda avtoulov o‘g‘risi ushlandi

Angren shahrida joriy yilning 16 oktabr kuniga o‘tar kechasi noma'lum shaxs Ohangaron tumanida yashovchi 1973 yilda tug‘ilgan B.E. boshqaruvidagi ishonch qog‘ozi bilan Parkent tumanida yashovchi B.Sh.ga tegishli qizil rangli, «VAZ-21013» rusumli davlat belgisi 10 R 037 YeA avtoulovni Angren shahar 5/3-dahasi, 24-uyning oldidan noma'lum tomonga olib qochib yashiringan. Bu haqda Toshkent viloyati IIB xabar bermoqda.

Olib borilgan tezkor chora-tadbirlar natijasida «VAZ-21013» avtoulovi Angren shahar Dukent qo‘rg‘oni tog‘li hududida joylashgan “Appartak ko‘mir koni” janubiy qismidan soz holda topildi va ushbu jinoyatni Angren shahrida yashovchi 1992 yilda tug‘ilgan A.S. sodir etganligi aniqlanib, ushlandi. Tergovni IIB olib bormoqda.