«Barselona» prezidenti jahonning eng zo‘r futbolchisi kimligi borasida fikr bildirdi

Ispaniya «Barselona» futbol klubi prezidenti Xosep Mariya Bartomeuning fikricha, Lionel Messi nafaqat zamonaviy futbol, balki umuman futbol tarixidagi eng zo‘r futbolchidir. 

«Messi — tarixdagi eng zo‘r o‘yinchi, bunga ishonchim komil. Men „Kamp Nou“da Maradona, Ronaldino, Kruiff kabi futbolchilarning o‘yinlarini o‘z ko‘zlarim bilan ko‘rganman. Ularning hech biri Messiga o‘xshamagan. 

Men uchun Leo — birinchi raqamli futbolchi, keyin — Neymar, uchinchi — Ronaldu. Undan so‘ng, Suares, Beyl, Buskets, Inesta, Grizmannlardir. Shunday ekan, dunyodagi eng zo‘r futbolchilar Primerada o‘ynaydi. APLda futbolchilar emas, murabbiylar yulduzlardir», — degan Bartomeu The Telegraph nashriga bergan intervyusida.