Madrid derbisida “Real” ustun keldi, “Barselona” minimal hisobda g‘alaba qozondi

Ispaniya chempionatining kechagi turi qiziqarli va kurashlarga boy o‘yinlarga boy bo‘ldi.

«Real» – «Atletiko» 3:2
Gollar: Lukman, 33 (0:1). Vinisius Junior, 52 – penalti (1:1). Valverde, 55 (2:1). Molina, 66 (2:2). Vinisius Junior, 72 (3:2)
«Real»: Lunin, Ryudiger, Hausen, Garsiya, Karvahal (Aleksandr-Arnold, 64), Tshuameni, Pitarch (Mbappe, 64), Arda Guler (Bellinghem, 74), Valverde, Vinisius Junior (Karreras, 87), Dias (Kamavinga, 74)
«Atletiko»: Musso, Gansko, Le Norman (Ximenes, 46), Rudjyeri, Liorente, Kardozo (Molina, 57), Koke, Lukman (Syorlot, 57), Simeone (Baena, 71), Grizmann (Gonsales, 57), Alvares
Ogohlantirishlar: Pitarch, 63 – Kardozo, 27. Rudjyeri, 36. Gansko, 61. Liorente, 68
Chetlatish: Valverde, 77

Turning markaziy uchrashuvida “Real Madrid” o‘z maydonida “Atletiko Madrid”ni qabul qildi. Shiddatli va murosasiz kechgan bahsda mezbonlar 3:2 hisobida g‘alaba qozondi. Uchrashuv davomida har ikki jamoa ham faol hujumlar tashkil etdi, ammo yakunlovchi daqiqalarda “Real” ustunroq harakat qildi.

«Barselona» – «Rayo Valekano» 1:0
Gol: Arauxo, 24 (1:0)
«Barselona»: Garsiya, Kubarsi, X. Martin, Joau Kanselu (Espart, 90), Arauxo, Pedri, Bernal (Kasado, 61), Fermin Lopes (Olmo, 61), Rafinya, Yamal (Reshford, 82), Levandovski (Torres, 46)
«Rayo Valekano»: Batalya, Siss, Lejyen, Chavarriya, Ratsyu, Dias (Lopes, 59), Valentin (Espino, 46), Xerard Gumbau (De Frutos, 59), Fran Peres (Kamelo, 82), K. Martin (Alvaro Garsiya, 46), Palazon
Ogohlantirishlar: Rafinya, 8. Yamal, 26. Kubarsi, 72 – Valentin, 34. Fran Peres, 65. Siss, 67. Palazon, 88

Yana bir muhim o‘yinda “Barselona” o‘z maydonida “Rayo Valekano”ni 1:0 hisobida mag‘lub etdi. Kataloniya klubi qiyin kechgan bahsda muhim uch ochkoni qo‘lga kiritib, turnir jadvalidagi pozitsiyasini mustahkamlashga harakat qildi.

Shuningdek, qiziqarli o‘yinlardan birida “Alaves” mehmonda “Selta”ni 4:3 hisobida yengdi. Bu bahs turning eng dramatik to‘qnashuvlaridan biriga aylandi. “Atletik Bilbao” esa o‘z uyida “Betis”ni 2:1 hisobida mag‘lub etib, navbatdagi muhim g‘alabani rasmiylashtirdi.

22 mart kungi o‘yinlardan so‘ng La Liga jadvalida “Barselona” 73 ochko bilan peshqadam bo‘lib turibdi. “Real Madrid” 69 ochko bilan ikkinchi, “Vilyarreal” 58 ochko bilan uchinchi, “Atletiko Madrid” 57 ochko bilan to‘rtinchi o‘rinda bormoqda. Keyingi pog‘onalarda “Betis” 44 ochko, “Selta” 41 ochko bilan joylashgan. Shu tariqa, chempionlik uchun asosiy kurash hozircha “Barselona” va “Real Madrid” o‘rtasida kechmoqda, Yevropa kuboklari yo‘llanmalari uchun raqobat esa yanada keskinlashgan.