Foto: KUN.UZ
O‘zbekistonda shifokorlarning ish haqi 1 dekabrdan 20 foizga, kelasi yil 1 apreldan yana 15 foizga oshiriladi.
Bu haqda moliya vaziri o‘rinbosari Dilshod Sultonov OAV vakillari bilan uchrashuvda ma'lum qildi, deb xabar bermoqda Kun.uz muxbiri.
Qayd etilishicha, 2019 yilning kuz oylarida ham ish haqi miqdori yana bir karra oshirilishi mo‘ljallangan. Bu haqda davlat rahbari tegishli topshiriq bergan.
2019 yil 1 yanvardan boshlab umumta'lim muassasalari o‘qituvchilarining malaka toifasidan kelib chiqqan holda oliy toifali o‘qituvchilar uchun ish haqi 25 foizga, mutaxassis toifali o‘qituvchilar uchun 10 foizga oshiriladi.
Eslatib o‘tamiz, avvalroq O‘zbekistondagi o‘rtacha oylik ish haqi ma'lum qilingandi.
