Мисрлик актриса беҳаё фильмлар кўришга даъват қилгани учун судга чақирилди

Мисрлик актриса Энтиссар al-Qahira Waalnas телеканали эфирида уйланмаган ёш одамлар кўпроқ беҳаё фильмлар кўриши лозимлигини айтгани учун судда жавоб берадиган бўлди. Бу ҳақда Independent нашри хабар бермоқда.

Энтиссарнинг сўзларига эътироз “Мисрни ким яхши кўради?” гуруҳи томонидан берилди. У 10 ноябрдаги суд эшитувларига келиши лозимлиги айтилди. Миср қонунчилигига кўра, у бир йилгача озодликдан маҳрум қилиниши мумкин.