Луизианада полиция автомобили бойўғли ҳужумидан кейин йўл четидаги тўсиққа бориб урилди

Полиция ходими Ланс Бенжамин АҚШнинг Луизиана штатидаги Ковингтон шаҳри кўчаларини назорат қилаётганда унинг машинаси ичига очиқ ойна орқали бойўғли учиб кирган, деб хабар бермоқда WVUE телеканали.

Бойўғли полициячини тирнай ва чўқий бошлаган. Оқибатда полициячи автомобиль бошқарувини қўлдан чиқарган ва машина йўл четидаги тўсиққа бориб урилган. Полициячи машина эшигини очгандагина қуш ундан учиб чиқиб кетган.

Таъкидланишича, полициячи кичик жароҳатлар олган ва тиббий кўрикдан кейин ўз навбатчилигига қайтган.

Полиция бошлиғининг айтишича, у бу воқеа тафсилотларидан хабар топгач, буни қўпол ҳазил деб ўйлаган.