Tesla мижозга 188 харидорни жалб қилгани учун қимматбаҳо седан совға қилади

Tesla Motors компанияси электрокарлар эгаларига янги харидорларни жалб қилгани учун чегирмалар ва бонуслар бериш дастури доирасида ўз мижозига Model S P90D қимматбаҳо седанини совға қилади, деб хабар бермоқда Electrek нашри.

Wei70644 никнейми остидаги Tesla Model S электромобили эгасининг тавсияси билан компаниянинг 188 та янги машинаси сотиб олинган. “Тесла” машинасининг ўртача нархи 85 минг долларни ташкил этиши ҳисобга олинса, Вей компанияга 16 млн доллар ишлаб олишга ёрдам берган.

Совға сифатида Вейга иккита электромоторли, умумий миқдорда 700 от кучини берувчи Tesla Model S P90D седани бериладиган бўлди. Машина жойидан 96 км/соат тезликка 2,9 сонияда эришади. АҚШда бундай машинанинг нархи 130 минг доллардан бошланади.

Бундан ташқари, Wei70644 оддий маиший электр тармоқдан машинанинг аккумуляторларини қувватлашга имкон берувчи Powerwall қурилмаси ҳамда компаниянинг Невададаги Гигафабрикасига бепул экскурсия сафари билан тақдирланади.

Ушбу дастур биринчи марта 2015 йилнинг ёзида йўлга қўйилган. Model S машинасининг электрон код кўришидаги белгиланган эгаларидан машинани сотиб олиш тавсиясини олган харидорларга минг долларлик чегирма берилган. Худди шунча пул машина эгаларига ҳар бир жалб қилинган мижоз учун берилган.

20 нафар янги харидорни жалб қила олганларга Tesla Model X электр кроссоверига 20 минг долларлик чегирма берилган.