Виллаш-Боаш: Абрамович "Челси"дан исталган мураббийни истаган вақтида ишдан бўшатади

"Зенит" бош мураббийи Андре Виллаш-Боаш Жозе Моуриньонинг лондонликлар сафидан истеъфога чиқарилишига ўз муносабатини билдирди.

"Челси" тарихидаги энг омадли мураббийнинг бўшатиб юборилишига ишонгинг келмайди. Бу жамоада истеъфо ҳаммага қўлланилади, ҳеч бир мутахассисни бошқа нарса кутмайди. Оқибатда клуб учун энг қадрли мураббий билан ҳам шундай бўлди.

Роман Абрамович "Челси"да ишлайдиган барча мураббийларни бўшатади. Ҳатто энг яхшисини ҳам. Бу нарса мен ҳам, Рафа Бенитес ҳам, Карло Анчелотти ҳам бошидан ўтказди. Энди эса Жозе", - дейди Виллаш-Боаш.