Samsung Galaxy S7 edge 3 ёқлама букилган дисплейга эга бўлади

Samsung компанияси ўзининг янги Galaxy S7 edge смартфонининг дизайнига алоҳида эътибор бермоқда. Ўтган йили икки томонга букилган дисплей тақдим этиб кўпчиликни ҳайратлантирган CURVED/labs дизайнерлик студияси янги смартфонни 3 томонлама букилган кўринишда тақдим этмоқчи.

Муаллифларнинг фикрига кўра, бу қурилманинг ҳажмини кичикроқ кўриниш ҳосил қилишига олиб келади. Шунингдек, “Home” ҳамда икки сенсорли тугмалар экраннинг ўзига жойлаштирилиши ҳам смартфон экранининг ихчамроқ бўлишини таъминлайди.

Дизайнерлар смартфонга қўшимча хотира ўрнатиш учун слотни қайтаришни режалаштирган. Galaxy S7 edge’нинг орқа панели металлдан қилинган. Смартфоннинг асосий камераси корпусдан бўртиб чиқмаган. Қурилмада USB Type-С порти ҳам мавжуд.

Тахминларга кўра, смартфон Барселонадаги MWC 2016 кўргазмасида тақдим этилади.