Термиз давлат университетида ILM.UZ IT академияси очилди

Ёшларнинг ахборот технологияларига бўлган қизиқишини ошириш, уларнинг ушбу соҳадаги салоҳиятини янада ривожлантириш мақсадида Термиз давлат университети Ахборот технологиялари факультетида ILM.UZ IT академиясининг филиали фаолият бошлади.

Фото: ILM.UZ

IT академиясининг очилиши маросимида университет ректори Авазжон Мараҳимов иштирок этди. Ректор ёшларнинг таълим олиши учун яратиб берилаётган имкониятлар, шарт-шароитлар, шунингдек, жадаллик билан ривожланиб бораётган ахборот технологиялари соҳаси ҳақида маълумот берди. Шундан кейин ILM.UZ асосчиси Шаҳзод Магдиев академия ҳақида, унинг ташкил этилишидан асосий мақсад, ундаги имкониятлар ва академияда ўқишнинг тартиби ҳақида батафсил маълумот берди.

Шунингдек, тадбирда академияда 6 ой давомида таҳсил олган дастлабки 14 нафар битирувчи талабалар сертификат билан тақдирланди. Сўнгра очилиш маросимига ташриф буюрганлар академия билан кенгроқ танишди.

Маълумот ўрнида айтиб ўтамиз, академияда:

1. Дастурлаш [FRONTEND, BACKEND (PYTHON), TELEGRAM BOT (PYTHON)] курсида 3-6 ой давомида;

2. Тармоқ ва тизим администраторлиги (“CISCO SERTIFIED NETWORK ASSOTSIATE ROUTING&SVITCHING”, “LINUX SYSTEM ADMINISTRATION”) курсида 6 ой давомида;

3. Ёш авлод учун янги методология ва дастур асосида ўтиладиган болалар учун дастурлаш курсида 5 ой давомида;

4. Компьютер саводхонлиги курсида 3 ой давомида;

5. Компьютер, принтерларни таъмирлаш ва камера ўрнатиш (созлаш) курсларида 3 ой давомида таҳсил олишади. Дарс машғулотлари юқори малакали мутахассислар томонидан олиб борилади.

Ушбу академияда етишиб чиққан кадрлар Сурхондарё воҳасини IT соҳасининг ривожланишида ўз ҳиссасини қўшади.

Термиз давлат университети ахборот хизмати Ⓣ

#ILM.UZ