8 мингга яқин ўзбекистонлик Литвада яшаш учун рухсатнома олгани маълум бўлди

Ўзбекистон Европа Иттифоқига кирувчи ушбу давлат томонидан берилган рухсатномалар сони бўйича Беларусдан кейин иккинчи бўлди.

Фото: Shutterstock

2023 йилда 7,5 мингдан ортиқ Ўзбекистон фуқароси Литвада (Европа Иттифоқи давлати) яшашга рухсат олди. Бу ҳақда Eurostat маълумотларига таяниб Kaktus.media хабар берди.

Қайд этилишича, жами 56 мингдан ортиқ хорижлик Литвада яшашга рухсат олган. Улар асосан қуйидаги мамлакатлардан келган:

- Беларус - 16 174 киши;

- Ўзбекистон – 7580;

- Қирғизистон – 5 086;

- Тожикистон – 4960;

- Ҳиндистон – 3819;

- бошқа мамлакатлардан -18 454.

Шу билан бирга, вақтинчалик яшаш учун рухсатномалар беришнинг ўсиш суръати бўйича (+79,5%) 2023 йилда Европа Иттифоқида Литва биринчи ўринни эгаллаган бўлса, Хорватия (+41,9 фоиз) иккинчи ва Руминия (+34,9 фоиз) учинчи ўринни эгаллади.

Чехия (-18,6%) ва Кипрда (-10,9%) вақтинчалик яшаш учун рухсатномалар беришда сезиларли пасайиш кузатилган.

#Европа Иттифоқи #Литва #миграция