Бузрук Бузруковга оид иш судда кўрилмоқда
У товламачилик, фирибгарлик ва безорилик каби жиноятларда айбланмоқда.
«Долзарб қирқ кунлик» доирасида ўтказилган тергов-тезкор ҳаракатлар давомида жиноят содир этганликда гумонланиб ушланган жиноят олами вакили 1985 йилда туғилган Бузруков Бузрук Акмаловичга нисбатан суд жараёни бошланган.
Б.Бузруков билан биргаликда унинг яна бир жиноят шериги Дониёр Ибрагимов ҳам суд қилинмоқда.
Ҳар иккала судланувчи ҳам терговда Жиноят кодексининг 165-модда 3-қисми а-банди (товламачилик), 168-модда 3-қисми б-банди, 4-қисми а-банди (фирибгарлик) ва 277-модда 3-қисми а-банди (безорилик) билан айбланган.
Жиноят ишида 4 нафар фуқаро жабрланувчи сифатида жалб этилган.
Маълумот учун, Бузруков Бузрук Акмалович 2023 йил 5 декабр куни «Долзарб қирқ кунлик» доирасида ўтказилаётган тергов-тезкор ҳаракатлар давомида ушланганди.
«Бузрук» лақабли ушбу шахснинг инстаграмдаги саҳифасида 130 мингдан ортиқ ўқувчи бўлиб, у саҳифасида ҳашаматли ҳаётидан лавҳаларни жойлаб борарди.
Мавзуга оид
19:41 / 27.09.2024
Сергелида автопойга уюштириб, пиёда ўлимига сабабчи бўлган ҳайдовчи 4 ойда озодликка чиқди
23:14 / 23.09.2024
YouTubeʼнинг энг машҳур юлдузи MrBeast’га суд таҳдид солмоқда
17:40 / 23.09.2024
Ўзгартирилган ҳукм ва суд залидан озодлик – ясама жиноятда айбланган аёл очиққа чиқди
13:44 / 23.09.2024