Ўзбекистон Республикаси олий таълим муассасаларида 2018/2019 ўқув йилида кечки таълим шаклида бакалаврлар тайёрлаш бўйича қабул квоталари тасдиқланди.
Маълум қилинишича, кечки таълим йўналиши Ўзбекистондаги 9та олийгоҳда ташкил этилиб, жами 1250 нафар талаба тўлов-контракт асосида ўқитилиши режалаштирилмоқда. Шулардан 955 нафари дарслар ўзбек тилида ташкил этиладиган гуруҳларда, 295 нафари эса рус гуруҳларда таҳсил олиши мумкин.
Мазкур таълим шакли бўйича квоталар қуйидагича тасдиқланган:
1. Ўзбекистон давлат жаҳон тиллари университети - 175
2. Ўзбекистон миллий университети - 240
3. Тошкент давлат техника университети Олмалиқ филиали - 100
4. Тошкент давлат шарқшунослик институти - 135
5. Тошкент давлат педагогика университети - 75
6. Наманган давлат университети - 150
7. Самарқанд давлат университети - 200
8. Самарқанд давлат чет тиллар институти - 50
9. Тошкент вилояти Чирчиқ давлат педагогика институти - 125
Маълумот учун, кечки таълим шаклида бакалаврларни тайёрлаш олийгоҳнинг барча таълим йўналишлари учун татбиқ этилмайди.
