Кадастр паспортини шакллантириш қайси ҳолатда бепул расмийлаштирилиши айтилди

Ҳукумат қарорига асосан қатор ҳолатларда кадастр паспортини расмийлаштириш бепул амалга оширилади.

Улар қуйидагича:

• кўчмас мулк объекти бўйича бирламчи кадастр йиғмажилди (паспорти) мавжуд бўлиб, бегоналаштирилганда ёки объектда ўзгаришлар (реконструкция, қўшимча ва алоҳида қурилиш) мавжуд бўлмаганда;
• кўчмас мулк объекти бир қисми бегоналаштирилганда объект қолган қисмига ёки реконструкциясиз тоифаси ўзгарганда;
• кадастр йиғмажилди (паспорти) йўқолганда (яроқсиз ҳолга келганда ва кўчмас мулк объекти кўрсаткичлари ўзгартирилмасдан).

Мазкур давлат хизматидан Давлат хизматлари марказига борган ҳолда ёки Ягона портал орқали электрон тарзда фойдаланиш мумкин.

Кадастр (йиғмажилди) паспорти йўқолганда (яроқсиз ҳолга келганда), қоғоз ёки пластик шаклда янги кадастр паспорти 2 иш куни мобайнида берилади.