Қурилиш компанияси қоғоздан iPad’га ўтиб йилига мўмайгина пул тежади

Фото: Businessinsider

АҚШнинг Rogers-O'Brien қурилиш компанияси ўз фаолиятида iPad планшетларини жорий қилгандан кейин йилига деярли 2 млн доллар ва ходимларининг 55 минг ишчи соатини тежай олганини маълум қилди. Компаниянинг техник директори Тодд Вайннинг айтишича, планшетлар қурилиш соҳасидаги асосий муаммо – қоғоздаги чизмаларни қўллаш муаммосини ҳал қилди.

Вайннинг айтишича, қурилиш вақтида қоғозга туширилган чизмаларнинг бир нечта нусхаси бўлади: муҳандислар ва архитекторлар унга доимий равишда нималардир киритиб борадилар. Қурувчилар эса тузатишлар киритилган чизмалар асосида ишлашларига тўғри келади. Агар бу юз берса, уларни ишни янгидан бошлашларига тўғри келади.

Бу муаммони ҳал қилиш учун компаниянинг барча ходимлари айпадлар билан таъминланган, тархлар ва чизмалар эса булутли сақлагичга юкланган.

“Энди қурилиш тархлари сақлагичда бўлиб, исталган ходимда битта чизма бўлади. Агар архитектор ёки муҳандис чизмага ўзгартириш киритишни истаса, унда бу ўзгартиришлар айпадда дарҳол акс этади. Биз буни “Ягона ҳақиқат” деб атаймиз. Чунки ҳамма бир чизма билан ишлайди”, деб айтилган компания баёнотида.

Вайннинг таъкидлашича, бундай иш режимига ўтилгандан кейин, компания ҳар бир лойиҳада унинг қийматидан 7 фоиз миқдорда маблағ тежай бошлади. Чизмаларнинг қоғоздан iPad’га ўтказилиши нафақат қоғозга кетадиган харажатлардан қутулишга, балки компаниянинг кўп вақтини тежашга ёрдам берди. Одатда ходимлар қоғозлар кўплиги сабабли уларнинг барчасини ўзлари билан олиб юра олмаганлар ва керакли қоғоз учун доимо офисга қайтишга тўғри келган, бироқ энди бунга эҳтиёж йўқ.

“Мен Apple’нинг маҳаллий дўконидан 10 тадан 50 тагача айпайдни бирор-бир чегирмасиз сотиб олардим”, деб эслайди Вайн.

Вайннинг таъкидлашича, Windows’да ишловчи планшетлар сотувда бўлганда ҳам уларни сотиб олмаган бўларди, чунки iPad улардан анча устунроқдир.

Вайннинг айтишича, iPad бир қувватланишда 2 кун ишлаши мумкин, Windows планшетлари эса бор-йўғи 8-10 соат ишлайди. Бундан ташқари, уяли алоқага эга iPad 300 доллар туради. Тач-скрин ва LTE’га эга компьютер эса 1,5 минг долларга тушади (гап, эҳтимол Microsoft Surface Pro ҳақида кетган).