Қўшимча функционаллар
-
Тунги кўриниш
Россияда ядровий портлашдан ҳимояловчи мобил бошпаналарни серияли ишлаб чиқариш бошланди
Бошпананинг стандарт жамланмаси иккита модулдан иборат: 54 кишига мўлжалланган хона ва техник блок. Уни осон ташиш ва мавжуд муҳандислик тизимларига улаш мумкин.
Фото: Россия ФВВ
Фуқаро мудофааси ва фавқулодда вазиятлар муаммолари бўйича Бутунроссия илмий-тадқиқот институти Россияда илк бор «КУБ-М» мобил бошпаналарини серияли ишлаб чиқариш бошланганини маълум қилди. Ишлаб чиқариш Нижегород области Дзержинск шаҳрида йўлга қўйилган.
Ташкилот хабарида айтилишича, бошпана «фуқароларни турли таҳдидлар, жумладан, табиий офат ва техноген ҳодисалардан ҳимоя қилишни таъминлайди».
Бошпанани яратганлар 2023 йил декабрда «КУБ-М» «ядро портлашининг ҳаво зарбаси тўлқини ва ёруғлик нурланишидан 48 соат давомида ҳимоя қилиши»ни маълум қилганди. Шунингдек, у ҳудудга кирувчи радиация ва радиоактив ифлосланишдан, хавфли кимёвий моддалар ва ёнғинлар ҳимоялайди.
Мобил бошпананинг стандарт жамланмаси иккита модулдан иборат: 54 кишига мўлжалланган хона ва техник блок. Унинг майдонини қўшимча модуллар ҳисобига кенгайтириш мумкин. Таъкидланишича, мазкур бошпаналарни осон ташиш ва мавжуд муҳандислик тизимларига улаш мумкин.
Мавзуга оид
18:21
АҚШ ортидан Буюк Британия ҳам Украинага узоқ масофали ракеталардан Россияга зарба йўллашга рухсат берди – ОАВ
16:13
«Крокус»да теракт содир этганликда айбланаётганлар яна 3 ой ҳибсда қолади
12:07
Ўзбекистон ва Россия Каспий денгизи орқали янги йўналишлардан фойдаланмоқчи
21:03 / 19.11.2024