Ўзбекистонда Президент Администрацияси янгиланмоқда

Ўзбекистонда Президент Администрацияси раҳбари лавозими ва бошқа қуйи лавозимлар тугатилди. Сардор Умрзоқов, Суннатулла Бекенов ва Фурқат Раҳимов ўз лавозимларидан озод этилди.

Президент Администрацияси раҳбари лавозими тугатилди. Президент матбуот хизмати хабарига кўра, президентнинг тегишли фармони билан Президент Администрацияси раҳбари лавозими тугатилди ҳамда Администрациянинг тузилмасига бир қатор ўзгартиришлар киритилди.

Мазкур лавозимда фаолият юритган Сардор Умрзоқов Ўзбекистон Президентининг махсус топшириқлар бўйича маслаҳатчиси лавозимига тайинланди. Шу муносабат билан у Президенти Администрацияси раҳбари лавозимидан озод этилди.

Шунингдек, президент фармойиши билан Суннатулла Бекенов Президент Администрацияси раҳбарининг ёрдамчиси лавозимидан, Фурқат Раҳимов Президент Администрациясининг Ижро этувчи аппарати таҳлилий материалларни тайёрлаш ва Администрация бўлинмалари фаолиятини мувофиқлаштириш шубаси мудири лавозимидан озод этилди.

Бундан ташқари, Президент Администрациясида қуйидаги лавозимлар тугатилди:

Администрация раҳбарининг ҳудудлардаги ёрдамчилари лавозимлари;
Администрация раҳбарининг ҳудудлардаги ёрдамчилари котибиятлари;
Президент Администрациясининг Администрация раҳбарининг ҳудудлардаги ёрдамчилари котибиятлари фаолиятини мувофиқлаштириш шуъбаси.

Тайёрлаган: Азиз Қаршиев

#Фурқат Раҳимов #Президент администрацияси #Сардор Умрзоқов #Суннатулла Бекенов