Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 22:02 / 11.10.2021
    45242
    4 дақиқада ўқилади

    Толиблар жангчисининг Кобулдаги ҳайрати, кампирига айланадиган уй қуриб берган чол ва Ироқда сайловлар. Кун суратлари

    Kun.uz дунёнинг турли чеккаларидаги сўнгги воқеаларга оид суратларни жамлади.

    10 октябрда Ироқда муддатдан олдин парламент сайловлари бўлиб ўтди. Сайловда давомат 41 фоизни ташкил этди - бу Саддам Ҳусайн давридан кейинги энг паст кўрсаткич.

    Ироқда муддатдан олдин парламент сайловлари ўтказилишига эҳтиёж 2019 йил кузда мамлакат ҳукуматга қарши норозилик намойишлари гирдобида қолгандан кейин пайдо бўлди. Намойишлар 2018 йилдаги сайловлар натижаларига кўра шакллантирилган вазирлар маҳкамасининг истеъфосига олиб келган. 

    Асосий кураш Муқтада ас-Садр бошчилигидаги шиалар коалицияси ҳамда эронпараст «Фатҳ» блоки ўртасида кечиши кутилмоқда. Прогнозларга кўра, бош вазирни сайлаш бўйича музокаралар бир неча ҳафта ёки ойларга чўзилиши ҳам мумкин.

    Ироқнинг Нажаф шаҳрида парламент сайловларида иштирок этган кекса ёшли аёл бўялган бармоғини кўрсатмоқда. REUTERS/Alaa Al-Marjani
    Ироқнинг Қарақош шаҳрида аёллар парламент сайловида иштирок этиш учун сайлов участкасига киришмоқда. REUTERS/Abdullah Rashid
    Ироқ президенти Барҳам Солиҳ Бағдоддаги сайлов участкасида овоз бермоқда. REUTERS/Thaier al-Sudani
    «Толибон»нинг Вардақ вилоятидан бўлган жангчиси Мусташҳид илк марта Кобул шаҳрига келди. Ҳаракатнинг юзлаб жангчилари таътил олиб, Кобулдаги дам олиш масканларига ташриф буюришган. REUTERS/Jorge Silva
    Исроил жанубидаги Ницана қишлоғи яқинидаги далада дам олаётган ва ўтлаётган туялар. REUTERS/Amir Cohen
    Ковбойлар Фиеста байрамига йиғилмоқда, Мексика.
    Альпака ва ламалар Германиянинг Рудольштадт шаҳридаги қариялар уйига меҳмонга келишди.
    Фото: Daniel Vogl/picture alliance via Getty Images
    Ливан жанубидаги Заҳроний туманида нефть комплексида кучли ёнғин чиқди.
    Фото: AP/ТАСС
    Канар оролларида уйғонган вулқон турар жой биноларини вайрон қилмоқда. REUTERS/Juan Medina
    Италиянинг Триест шаҳрида парус спорти бўйича мусобақа / REUTERS/Alessandro Garofalo
    Ливия полицияси ташкил этилганига 57 йил тўлиши муносабати билан ўтказилган марш вақтида ниқобдаги полициячилар устидан учаётган полиция вертолёти, Триполи. REUTERS/Hazem Ahmed
    Австрия канцлери Себастьян Курц коррупция можароси бўйича суриштирувлар фонида лавозимини тарк этди. REUTERS/Lisi Niesner
    Босния шимолидаги Србак шаҳри яқинидаги текисликда яшовчи аёл уйининг деразасидан кўринадиган манзара ўзгариб туришини хоҳлади. 72 ёшли эри унга айланадиган уй қуриб берди. Уй макка далалари, дарё ёки ўрмон тарафга қараб турлича тезликда айлана олади. Энг тез айланиш – 22 секундда 1 марта. REUTERS/Dado Ruvic
    Яманнинг Адан шаҳрида рўй берган навбатдаги портлаш ҳудудида турган полициячи. REUTERS/Fawaz Salman
    Римда коронавирус паспортлари жорий этилишига қарши норозилик намойишлари вақтида полиция билан тўқнашувлар бўлиб ўтмоқда
    REUTERS/Remo Casilli
    Испаниялик қутқарувчилар Гранд-Канария оролидаги портда африкалик мигрантларга ёрдам бермоқда. REUTERS/Borja Suarez
    Ҳиндистоннинг Шринагар шаҳрида ибодат қилаётган аёл.
    REUTERS/Danish Ismail
    Исроил ҳарбийларига қарши намойишчиларни қўллаб-қувватлаётган фаластинлик 
    REUTERS/Raneen Sawafta

     

    Тайваннинг Тайбэй шаҳрида миллий кунни нишонлаш маросимида иштирок этаётган ҳарбий амалдорлар.
    REUTERS/ Ann Wang
    АҚШнинг собиқ президенти Дональд Трамп тарафдорлари, Айова.  REUTERS/Rachel Mummey
    Бурқага ўранган аёллар толиблар олдида йўлни кесиб ўтмоқда, Кобул. REUTERS/Jorge Silva
    Жанубий Корея ҳукумати пандемия шароитларида одатий ҳаёт тарзига қайтиш режасини ишлаб чиқмоқчи. Суратда Сеулдаги Кенбоккун саройига ташриф буюрган сайёҳлар. Фото: EPA/Vostock-photo

     

    Тайёрлаган:  Азиз Қаршиев
    #кун суратлари

    Мавзуга оид

    20:06 / 06.03.2022

    Бобилга айланган Львов, янги формадаги толиблар, дунёда баҳор байрамлари. Ҳафта суратлари

    21:59 / 27.02.2022

    «Йўлкира текин». Украиналик қочқинлар қўшни давлатларда қандай кутиб олинмоқда?

    19:29 / 20.02.2022

    Парвозлар, қулашлар ва ғалаба онлари. Олимпиаданинг энг ёрқин суратлари

    22:29 / 10.02.2022

    Донбассга учирилган украин байроғи, Мадагаскардаги ҳалокат, Олимпиаданинг ёрқин лаҳзалари. Кун суратлари