“Orion Novation” инновацион газ тежамкор ускуналари: самарадорлик, хавфсизлик ва арзон нарх

Ер сайёрасида табиий ресурслар чекланмаган миқдорда эмас. Уларни тежаб ишлатиш эса келгуси авлод турмуш шароитини яхшилашда ҳам катта ўрин тутади. Қолаверса, тежамкорлик моддий томондан ҳам фойдали бўлиб, ортиқча харажатларнинг олдини олишда туртки бўлади. Мисол тариқасида табиий газни олайлик. Куз-қиш мавсуми яқинлашгани сари бу борада айрим муаммолар келиб чиқади: газ миқдорининг камайиб кетиши, электр токига бўлган эҳтиёж, ускуналарнинг яхши иситмаслиги ва ҳоказо.

“Orion Novation”  МЧЖ томонидан ишлаб чиқарилаётган приоритет йўналишлардан энергия тежовчи ускуналар юқоридаги муаммоларнинг олдини олишда сизга ёрдам беради. Ушбу турдаги ускуналарга қуйидагилар киради:

1. Иссиқлик генераторлари (ҳар хил турдаги иситиш қозонлари);

2. Иссиқликни аккумуляция қилиш ускуналари (накопители);

3. Газнинг тўлиқ ёнишини таъминловчи ускуналар (газогорелочные устройствы);

4. Қайта тикланувчи муқобил энергия манбаларидан фойдаланувчи қуёш батареялари.

КОВГ-15 ва КОВГ-20 иситиш қозонлари

“Orion Novation” қозонлари мис теплообменниклар билан жиҳозланган бўлиб, жуда юқори фойдали иш коэффициентига эга ва шу билан бирга циркуляция насосларисиз ишлай олади. Чет эл намуналарида бу туркумдаги иситиш қозонлари насосларсиз ишлай олмайди ва шу билан бирга биринчи бўлиб электр токисиз ишлай оладиган қозонлар яратишга муваффақ бўлинди.

Бу қозонлар замонавий иситиш пластик тизимига ҳам, эски металл қувурли (паук) тизимига ҳам мўлжалланган. Масалан, деворга ўрнатиладиган “настенный” қозонларга (нархи тахминан 3,5 млн. атрофида) фақат босим остида ишлайдиган янги пластик тизим ўрнатиш керак. Бундан ташқари, қўшимча стабилизатор, филтьр, редуктор, расширительный бак сотиб олиш ва яна монтаж пулига қўшимча харажатлар кетади (тахминан 6,0 млн сўм). Бундай харажатларга имконияти етмаган оилалар ўз уйларига КОВГ-20 (нархи тахминан 2,5-3,0 млн. атрофида) ўрнатишса бўлади. Яъни, бор йўғи эски қозон олиб ташланади, ўрнига янгиси ўрнатилади. Бу ускунанинг аҳамиятли томони у суюлтирилган газда (пропан) ҳам ишлай олади.

Тошкент шаҳри кесимида ҳолатни таҳлил этадиган бўлсак, пойтахтда тахминан 170 минг оила хусусий ҳовлиларда яшайди. Хонадонларнинг ҳозирги кунда ишлаб турган иситиш тизимининг техник ҳолатига биз таклиф қилаётган энергия тежамкор қозонлар тўғри келади ва нархи ҳам истеъмолчилар харид килиш имкониятига мос. Бу ишлар кенг кўламда олиб борилса, хусусий уйларнинг иситиш тизимига сарфланаётган тахминан 30-50 фоиз табиий газ тежалади. Бу ерда энг аҳамиятлиси тизимли ишлайдиган сервис хизмати ташкил қилинганидадир.

Нохуш ҳолатларга, фожиаларга кўп сабаб бўлаётган ис гази (СО) табиий газни чала ёниши натижасида келиб чиқади. Агар қозон ташқарида эмас ертўлада жойлашган ва истеъмолчи билмаган ҳолда дудбурон тизимида муаммо бор бўлса, биз ёпиқ ёниш камерали қозонларни таклиф қиламиз. Бу туркумдаги қозонларда ҳар қандай ҳолатда ҳам ис гази бино ва иншоот ичига тарқаб кетмайди.

КОВГ- 50 ва КОВГ-60 иситиш қозонлари

Биз кейинги йиллар давомида иситиш қозонларининг эффективлигини янада ошириб, 50 кВт - 100 кВт қувватга эга бўлган, чет элда муқобили бўлмаган (дунё тажрибасида қуввати 50 кВт дан юқори бўлган қозонларда теплообменник, асосан, чўяндан ёки пўлатдан тайёрланади) иссиқлик ўтказувчанлиги юқори бўлган мис теплообменникларини жорий қила олдик.

Бу ҳолатда инновацион янгилик шундан иборат: одатда катта қувватда ишлайдиган қозонларда теплообменник мисдан ишланса, корпусдаги ҳароратни назорат қилиб бўлмайди, яъни корпус меъёридан юқори даражада қизиб кетади. Биз корпусдаги иссиқлик энергиясини ўзимиз ихтиро қилган махсус экранлар ёрдамида қабул қилдик ва бу қувватни иситиш тизимидаги сувга йўналтира олдик.

Натижада юқори фойдали иш коэффициентига (ФИК) эришдик. Бу қозонлар амалда, яъни иншоотларда (Чирчиқ шаҳри, 10-микротуман, 94-кўп қаватли уйда) синовдан ўтказилиб яхши натижаларга эришилган. Бу қозонлар юқорида қайд қилинганидек, юқори самарали, электр токисиз ишлайди (бироқ бу қозонлар катта майдонли биноларга қўйилганда иситиш тизимига насос ўрнатиш зарур). Бу туркумдаги қозонлар сув-қувурли (водатрубный) бўлгани учун ҳажми ҳам, вазн оғирлиги ҳам кичик бўлади. Шу факторни инобатга олсак, кўп қаватли уйларнинг йўлагини (подъезд) иситишда қўл келади, сабаби қозонлар ҳар бир подъезд тепасига, яъни томга қўйилганлиги сабабли бинонинг сейсмик барқарорлигига таъсир ўтказмайди ва бу тизимга иссиқ сув таъминоти учун икки контурли накопитель ўрнатилса қуёш батареясини улаш мумкин бўлади.

Маҳаллий (локальный) қозонхоналарда ёки хонаки (поквартирный) иситиш тизимида қуёш энергиясидан фойдаланиш жуда серхаражат, баъзи ҳолларда иложсиздир. Маҳаллий қозонхоналарнинг қиймати баланд, қозонхонада ишлайдиган операторлар ва усталар маоши, эҳтиёт қисмлар – булар иссиқ сув таннархини кўтариб юборади. Биз таклиф қилаётган ҳолатда, қозонларга мисдан теплообменник қўйилганлиги сабабли тежамкорлик юқори. Италияда ишлаб чиқарилган ишончли газ клапанлар автомат тарзда қозонларни бошқаради, техник хизмат кўрсатиш маркази техник ҳолатни онлайн тизим ёрдамида назорат қилади. Буларнинг барчасини инобатга олсак, иссиқ сув таннархи  истеъмолчи учун анча арзонга тушади.

Кўп қаватли уйлардаги хонадонларни иситиш учун локал қозонхоналар ёки хонаки қозонлардан фойдаланилса, ҳар бир хонадон учун ўртача 8,0-10,0 млн. сўм маблағ сарфланади. “Orion Novation” таклиф этаётган ҳолатда ҳар бир хонадон учун хоналар сонига қараб 2-4 млн сўм маблағ сарфланади. Ушбу харажатлар ичига кўп қаватли уйнинг ички иситиш тизими (стояк), ертўла тизими (лежак), замонавий иситиш алюминий радиаторлар, насослар ва иситиш қозони киради. Аҳамиятлиси газ сарфи ҳар бир хонадон учун ўртача 0,3 м³ ташкил қилади, бу эса газ плитасининг битта комфоркаси харажатига тенг.

Газни тўлиқ ва хавфсиз ёнишини таъминловчи ускуналар

Тошкент шаҳридаги 170 мингта хусусий уйлардаги иссиқ сув таъминотини таҳлил қилсак, деярли ҳар бир ҳовлида биттадан, баъзи ҳовлиларда иккитадан сув иситиш баклари мавжуд. Бу бакларнинг аксариятида собиқ иттифоқ даврида ишлаб чиқарилган, хавфсизлик газ клапан автоматлари ишламайдиган ёки автоматика умуман бўлмаган эски горелкалар ишлаб келмоқда.

Бу баклардаги горелкалар йил давомида тўхтовсиз ишлайди. Бундан ташқари, газни чала ёниши ҳисобига (горелкалар қора металлдан ишланган бўлиб, газ ўтказувчи жиклёр ва тешиклар доим занглаб қолади) жуда самарасиз ишлайди.

Биз таклиф қилаётган горелкаларнинг барча қисмлари тўлиқ зангламайдиган металлдан ясалган. Қолаверса, газ клапанлар ишончли ва аниқ ишлайди. Уларнинг вазифаси, аввало, хавфсизликни таъминлаш ва ўрнатилган иссиқлик даражасини назорат қилиш, яъни бакдаги сув керакли иссиқлик даражага етганда клапан газни ўчиради.

Иссиқ сув ишлатилса, газ ёнади, ишлатилмаса газ ёнмайди. Натижа – газ тежамкорлиги 50 фоиздан кам эмас! Газ ёқиш ускуналарни ҳар бир хусусий уйларга арзон нархларда (850-950 минг сўм атрофида) қўйилиши таъминланса, фақатгина Тошкент шаҳрининг ўзида бир неча юз миллион куб метр газ тежаб қолиш имконияти пайдо бўлади.

Шу билан бирга, бакларга “Orion Novation”да ишлаб чиқариладиган арзон қуёш панелларини (нархи 1.5-2 млн) корхона кўрсатмаси асосида уланса, йилнинг 9 ой давомида деярли газ ёқмасдан иссиқ сувдан фойдаланиш мумкин.

Ўзбекистон Республикаси Президентининг 4388-рақамли қарорига асосан бу кенг кўламли ишларни “Ўзтрансгаз” АЖ тасарруфида бўлган Туман газ филиаллари тизимида амалга ошириш бўйича ишлар олиб бориляпти. 

“Биз ўзимиз тарафдан “Тошкент шаҳар газ” компанияси билан юқорида кўрсатилган ускуналарни давлат хусусий шерикчилик асосида биргаликда ишлаб чиқаришни ва газ клапан ҳамда ускуналарига мукаммал хизмат кўрсатишлари учун туман газ ходимларига ўқув курслар ташкил қилиб, ўқув-методик семинарлар ўтказиб бериш бўйичага таклифлар киритдик.

Бизнес стратегиясини режалаштирганимизда биз асосий бешта мақсадни ўзимизга белгилаб олдик:

• Юқори самарадорликка эришиш (чет эл маҳсулотларидан кўрсаткич кам эмас);
• Нарх сиёсати (таннархни тушириш ҳисобига чет эл маҳсулотларидан 40-50 фоиз арзон);
• Маҳаллийлаштириш даражаси юқори (80-90 фоиз);
• Хавфсизлик (Саноатконтехназорат меъёрий техник талабларига жавоб беради);
• Ташқи кўриниш, дизайн (маҳсулот кўриниши чет эл андозаларига мос келади).

Агар сизда “Orion Novation” томонидан ишлаб чиқарилган тежамкор, юқори самадорликка эга ва нисбатан арзон нархлардаги иситиш қозонлари (котеллар) ҳамда сув иситиш баклари учун мўлжалланган газ горелкалари қизиқиш уйғотган бўлса, қуйидаги телефонга мурожаат қилинг:

Телефон: +99899 872 64 25

E-mail: [email protected]

Манзил: Тошкент шаҳри, Чилонзор тумани, К.Ёрматов кўчаси, 2-уй.

Реклама ҳуқуқи асосида