Тест синовлари 1 августдан бошланади

2023-2024-ўқув йили учун олий таълим муассасаларига кириш тест синовлари 2023 йил 1 август кунидан бошланади.

Фото: Kun.uz

Билимни баҳолаш агентлиги хабарига кўра, тест синовлари кунига икки сменада ўтказилиб:

1-сменада 08:00 дан 11:00 га қадар;
2️-сменада 15:00 дан 18:00 га қадар бўлиб ўтади.

Тест синовлари ҳудудлардаги абитуриентлар сони ва тест синовлари ўтказиладиган бинолар сиғимидан келиб чиққан ҳолда 11 кундан 13 кунгача давом этади ва 13 август куни тўлиқ якунланади.

Маълумот учун, 2023-2024-ўқув йили учун ОТМ бакалавриат таълим йўналишларига кириш тест синовларида иштирок этиши белгиланган абитуриентлар сони 948 486 нафарни ташкил этди.

Тайёрлаган: Отабек Матназаров

#тест #ОТМ

2022/23 ўқув йили учун ихтисослашган ва президент мактаблари, коллежлар, техникумлар, бакалавриат ва магистратурага қабул ҳамда ўқишни кўчириш бўйича янгиликлар.