WWW.uz модераторлари бепул сайт конструкторларида жойлашган веб-сайтларни миллий сайтлар каталогидан чиқариб юбориш масаласини кўриб чиқишмоқда.
Қайд этишларича, ucoz.ru, amiro.ru, okis.ru, setup.ru, ru.wix.com, ru.jimdo.com, nethouse.ru, a5.ru ва бошқа шу каби сайт конструкторларида жойлашган веб-сайтларда мазмуни шубҳали бўлган, сайт эгалари эса бунга таъсир қила олмайдиган реклама намойиш этилади.
Маълум қилишларича, яқин бир-икки ҳафта ичида WWW.uz сайтлар каталогининг янги қоидалари кучга киради ва каталогни қайта кўриб чиқиш вақтида бепул конструкторлардаги сайтлар каталогдан чиқариб юборилади.
WWW.uz вакиллари бу ҳолатда бир неча муқобил йўлларни таклиф қилишган: сайтларни Ziyonet тармоғида, сайт-сателлит кўринишида бепул очиш, шунингдек, веб-студиялар, домен регистраторларидан фойдаланган ҳолда пулга очиш мумкин.