Андижонда теннис бўйича учинчи тоифасига мансуб бўлган “Фьючерс” турнири бошланди. Мукофот жамғармаси 15 минг АҚШ долларини ташкил этувчи мусобақада асосан ўзбекистонлик теннисчилари иштирок этишяпти.
1 июнь куни биринчи давранинг аксар баҳслари ўтказилди. Асосий тўрда иштирок этувчи 19 нафар теннисчимиздан ҳозиргача беш нафари иккинчи даврага йўл олди. Қолганлари эса мағлубият аламини тотиб кўришди.
Мусобақада 5-рақам остида таснифланган Темур Исмоилов яна бир ҳамюртимиз Шохруҳ Абдумаликовни 6:0, 6:2 ҳисобида таслим этди. Шунингдек, иккинчи босқичга Павел Цой, Сунатилла Қуттибоев, Григорий Рейтман ва Санжар Файзиев йўл олишди.