Токио 2015 йилнинг яшаш учун энг қулай шаҳри деб топилди. Япония пойтахти Monocle Magazine рейтингида биринчи ўринга муносиб кўрилди.
The Wall Street Journal нашрида ёзилишича, Токио улкан миқёсга эга бўла туриб тинчлик ва осойишталик ҳукм суриши боис “турмуш сифати” рейтинги бошига келган.
Иккинчи ўринни экспертлар Венага, учинчи ўринни эса Берлинга беришди. Кучли ўнликдан Мельбурн, Сидней, Стокгольм, Ванкувер, Хельсинки ва Мюнхен ўрин олди. Ўтган йилги рейтинг етакчиси Копенгаген Цюрих билан ўнинчи кўрсаткични бўлишди.
Япониянинг яна иккита шаҳри – Фукуока ва Киото 12 ва 14 поғоналарни банд қилди.
