11 июнь куни Олма-Ота шаҳрида Европада хавфсизлик ва ҳамкорлик ташкилотининг (ЕХҲТ) Ўрта Осиё ва Афғонистонда кибер-жиноятчиликка қарши кураш масалаларига бағишланган икки кунлик минтақавий семинари бошланди.
ЕХҲТнинг трансмиллий таҳдидлар департаменти, ЕХҲТ дастурларининг Остонадаги идораси ҳамда БМТ гиёҳвандлик ва жиноятчилик бўйича бошқармаси томонидан ташкил қилинган тадбирда Афғонистон, Қозоғистон ва Ўзбекистондан кибер-жиноятчилик ва ахборот алмашиш соҳасининг 45 нафар мутахассиси иштирок этмоқда.
Иштирокчилар кибер-жиноятчиликка қарши кураш муаммоларини муҳокама қилишади, шунингдек, соҳага малакали экспертларни жалб қилиш, маълумот тўплаш, бюджет шакллантириш ва логистика масалаларини кўриб чиқади.