АҚШ Конгресси Транс-Тинч океани ҳамкорлигини амалга ошириш учун президентга фавқулодда ваколатлар бериш тўғрисидаги қонунни қабул қилди. Бу ҳақда Reuters агентлиги хабар бермоқда.
Таъкидланишича, ушбу қонуннинг қабул қилиниши ҳамкорликнинг яратилиши борасидаги энг муҳим қадамлардан бири бўлди. Ушбу ҳамкорлик Тинч океани минтақасида Хитойга иқтисодий қаршилик кўрсатишга мўлжалланган.
Ҳамкорлик таркибига қуйидаги давлатлар кириши мумкин: Австралия, Бруней, Канада, Чили, Япония, Малайзия, Мексика, Янги Зеландия, Перу, Сингапур, АҚШ ва Вьетнам.
