"Арсенал" жамоаси бош мураббийи Арсен Венгер "Ливерпуль"га қарши 0:0 ҳисобида якунланган учрашувдан кейинги матбуот анжуманида ўйинни бошқарган ҳакам Майкл Оливерни танқид қилди.
"Ливерпуль" биринчи таймда яхши ўйнади ва кўплаб хавфли вазиятлар яратди. Лекин иккинчи таймда улар ҳеч нарса қила олишмади. Биз эса бутун ўйин давомида ҳужум қилиш билан банд бўлдик. Афсуски, ўйин ҳаками Рэмзининг ҳаққоний голини ҳисобламади. Бу бизга ёқмаса ҳам, бўлганича бўлди.
Биринчи таймда ҳимояда камчиликлар кузатилди, лекин иккинчи таймда барчаси ўз ўрнига тушди.
Биз ғалабага ҳақли ўйин кўрсатгандик. Футболчилар голли вазиятлар яратишди, лекин гол бўлмади. Рақиб иккинчи таймда ҳимояга қамалиб олди.
Рэмзи футбол қоидалари бўйича гол урганди, лекин бу гол ҳисобланмади. Мен бу борада ҳеч нарса қила олмайман. Ҳакам бу вазиятда хато қилди", дейди Венгер.