Тошкентдаги «Флешка» савдо маркази дўконларида Asus смартфонлари сотувга чиқарилди

Тошкент шаҳридаги «Флешка» (собиқ «Малика» фабрикаси) савдо маркази дўконларида Zenfon 2 (16, 32 ва 64 Гб версиялари), Zenfon 5 (16 Гб версияси) ва Zenfon 6 (16 Гб версияси) сотилмоқда. Бу ҳақда mobinfo.uz нашри хабар тарқатди.

Манбада ёзилишича, Zenfon 2 қурилмасининг оддий варианти 1,2 млн. сўмдан (16 Гб , 2 Гб тезкор хотирали), энг яхши версияси (4 Гб тезкор хотирали) эса 1,7 млн. сўмдан сотилмоқда.

Zenfon 6 16 Гб хотирага эга тури 1,1 млн. сўмни ташкил қилмоқда. Энг арзон турдаги Zenfon 5ни (16 Гб.ли тури) 874 минг сўмдан харид қилиш мумкин.