Беларусь марказий сайлов қўмитаси амалдаги давлат раҳбари Александр Лукашенкони президентликка номзод сифатида рўйхатга олди. Бу ҳақда РИА Новости агентлиги хабар бермоқда.
Лукашенко номзодини кўрсатишга йўналтирилган ташаббускор гуруҳ қўмитага 1.7 млн дан ортиқ имзо тақдим қилди. Бу имзолардан 99.55 фоизи ҳақиқий деб тан олинди.
Лукашенкодан ташқари, Беларусь либерал-демократик партиясидан Сергей Гайдукевич, Беларусь ватанпарварлик партиясидан Николай Улахович “Ростини гапир” кампаниясидан Татьяна Короткевичлар номзод сифатида қайд қилинди.
Номзодлардан бири Терешченко заҳарланганидан сўнг 28 август куни ўз номзодини олиб ташлади.
Сайловлар 11 октябрь куни бўлиб ўтади.