2014 йил якунларига кўра МДҲ давлатлари ҳудудида содир этилган террорчилик жиноятлари сони икки баробарга ошган. Бу ҳақда МДҲ аксилтерор маркази раҳбари полиция генерал-полковниги Андрей Новиков баёнот берди.
Новиков Белгороддаги “Ёшларни террорчи ва экстремистик ташкилотлари фаолиятига жалб қилиниши” мавзуидаги халқаро конференциядаги чиқиши чоғида ушбу маълумотларни келтирди.
Унинг таъкидлашича, ҳисобот даврида 1 515 террорчилик билан боғлиқ жиноятлар кузатилган. Бу 2013 йил кўрсаткичларидан қарийб икки баробар кўпроқдир.