Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 09:49 / 29.09.2015
    2734
    1 дақиқада ўқилади

    Марказий Африка Республикасида комендантлик соати киритилди

    Марказий Африка Республикаси пойтахти Бангидаги тартибсизликлар оқибатида ҳалок бўлганлар сони 42 кишига етди. Бу ҳақда AP ахборот агентлиги маълум қилди.

    Аввалроқ БМТ тинчликпарвар кучлари Бангидаги тартибсизликларда иштирок этган 3 нафар кишини отиб ташлагани ва яна 3 кишини жароҳатлагани маълум қилинганди. Воқеа Банги марказида оломон президент қароргоҳига вақтинчалик президент Катрин Самба-Панзанинг истеъфога кетиши талаби билан кетаётганда юз берган.

    27 сентябрдан Бангида 26 сентябрда бошланган тартибсизликлар туфайли комендантлик соати киритилди. Тартибсизликларга 2013-2014 йиллардан бери мусулмон ва насроний аҳоли ўртасидаги тўқнашувлар маркази бўлган мусулмон даҳасида такси ҳайдовчисининг ўлдирилиши сабаб бўлди. Ҳайдовчининг қотили ва жиноят сабаблари ҳозирча номаълумлигича қолмоқда.