“Ўзбеккўмир”: 1 тонна кўмир нархи 133 минг 800 сўм

“Ўзбеккўмир” АЖ маҳсулот сотиш ва етказиб бериш бўйича бош директори ўринбосари Носиржон Умаров кўмирнинг нархи қанча қилиб белгиланганини айтиб ўтди.

Ушбу маҳсулотга ягона нарх белгиланган-белгиланмаганлиги ҳақидаги саволга жавоб бераркан, у 1 тонна кўмирнинг нархи 133 800 сўм эканлигини айтди.

“Бир тонна кўмир 133 800 сўм, брикет нархи эса 238 минг сўм қилиб белгиланган”, - унинг сўзларини келтиради “Даракчи” нашри.

Шунингдек, Умаров кўмир харид қилиш мумкин бўлган вилоятлардаги ҳудудий дистрибьюторлик марказлари манзил ва телефон рақамларини келтирди.

Амалдорнинг таъкидлашича, ўтган йил бир оилага 1 тонна кўмир миқдорида чеклов мавжуд бўлган бўлса, жорий йилда бундай чеклов бекор қилинган.