4 октябрь куни Эронда Саудия Арабистонига Ҳаж сафарига йўл олиб, Мино водийсидаги тиқилинчликда ҳалок бўлганларнинг дафн маросими бўлиб ўтмоқда. Бу ҳақда ТАСС агентлиги хабар бермоқда.
Мамлакатнинг миллионлаб фуқаролари кўчаларга чиқиб, ҳалок бўлганларнинг тобутларини елкаларида кўтардилар. Теҳрон, Машҳад ва Гургон шаҳарларининг ўзидаёқ юз минглаб одамлар тадбирларда иштирок этди.
Кеча Саудия Арабистондан Эронга 104 кишининг танаси етказилган эди. Бугун яна 114 марҳум юртига қайтарилди. Эрон томоннинг маълумотларига қараганда, фожиа оқибатида мамлакатнинг 465 фуқароси қурбон бўлган.
