Буюк Британия ҳукумати Европага Суриядан кириб келаётган қочқинлар оқимини тўхтатиб қолиши учун Туркияга 400 млн евро миқдорида маблағ ажратмоқчи. Бу ҳақда The Guardian нашрида ёзилган.
Нашрда қайд этилишича, Буюк Британия қочқинлар оқимини тўхтатиш учун молиявий ёрдам ажратган илк мамлакат бўлади.
Туркия бу маблағларни ўзининг Европа билан чегараларида назоратни кучайтириш учун ва суриялик қочқинларни ўз ҳудудида олиб қолиш имкониятларини яратиш учун сарфлаши кўзда тутилган.
Бироз олдинроқ, Буюк Британия Ўрта Ер денгизига Африкадан ноқонуний йўллар орқали Европага кемалар орқали ўтиш ҳолатларига қарши кураш учун ўзининг иккинчи ҳарбий кемасини юборганди.