Бугун, 14 ноябрь куни Ўзбекистонда ҳам Бутун дунё диабетга қарши кураш куни ўтказилди. Бу кун 1991 йилда Халқаро диабет федерацияси ва Бутун дунё соғлиқни сақлаш ташкилоти ҳамкорлигида алоҳида кун сифатида белгилаб олинганди.
Бу куннинг танланишига 1891 йилда Фредерик Бантинг томонидан инсулин кашф қилингани асос бўлган.
2007 йилдан буён бу кун БМТ таркибидаги барча мамлакатларда ўтказиб келинади.
Маълумотларга кўра, ҳозирда дунёда 400 миллиондан ортиқ киши қандли диабет билан хасталанган.
Бугун Республика ихтисослаштирилган эндокринология илмий-амалий тиббиёт марказида, шунингдек, барча вилоят эндокринология диспансерларида очиқ эшиклар куни ташкил этилди. Барча истовчилар қандли диабет бўйича зарур маслаҳат ва ташхис ёрдамини олишди.
Диабетга қарши кураш ойлиги доирасида Тошкентнинг Юнусобод туманидаги 52-оилавий поликлиникада, Ўзбекистон хотин-қизлар қўмитасида, Боровский ва Охунбобоев номидаги тиббиёт коллежларида скрининг кунлари уюштирилиб, марказ мутахассислари хавф гуруҳига кирувчи аҳолини тиббий кўрикдан ўтказилиш белгиланган.