Apple компанияси навбатдаги iPhone смартфонини аввалгиларидан юпқароқ қилиш учун ҳаракат қилишмоқда. Бу ҳақда Mac Otakara блоги маълум қилди.
Бу смартфонни қалинлигини 1 мм.дан кўпроқ қисқартирилишига имкон яратади.
Маълумотларга кўра, компания қулоқчин уланадиган одатдаги 3,5-мм портдан воз кечмоқчи. Унинг ўрнига iPhone 7 смартфонида Lightning портидан фойдаланилади. Ҳозирда бундай портни қўллаб-қувватлайдиган қулоқчинлар кам ва уларнинг нархи ҳам қиммат туради.
Компания янги смартфон комплектациясида Lightning портни одатдаги портга айлантириб берадиган қўшимча қурилма қўйиши ҳақида маълумотлар йўқ.