Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жамият | 08:47 / 02.01.2016
    6299
    2 дақиқада ўқилади

    АҚШда машҳур хонанда Натали Коул вафот этди

    Ритм-энд-блюз мусиқа йўналишида ижод қилган АҚШлик машҳур хонанда Натали Коул 65 ёшида ҳаётдан кўз юмди. Бу ҳақда қўшиқчининг оиласи берган баёнотда айтилмоқда. Натали Коул машҳур жаз пианиночиси Нэт Кинг Коулнинг қизи бўлган.

    Қўшиқчи яқинларининг айтишича, у 31 декабрда Лос-Анджелесдаги Сидар-Синай шифохонасида соғлиғидаги сурункали муаммолар сабабли юзага келган асоратлар оқибатида вафот этган. Қўшиқчи охирги йиллар гиёҳвандлик билан курашган, гепатитдан азият чеккан. TMZ порталиниинг маълум қилишича, қўшиқчининг ўлимига юрак етишмовчилиги сабаб бўлган.

    Натали Коул 70-йиллар ўрталарида катта муваффақиятларга эришган. У ўз ижодида мусиқанинг ритм-энд-блюз, жаз ва поп-мусиқа йўналишларини муваффақиятли уйғунлаштира олган. 20 дан кўпроқ альбом чиқарган.
    Хонанда 19 марта нуфузли “Грэмми” мусиқа мукофотига номзоди қўйилган ва 9 марта уни қўлга киритган. Коул, шунингдек кино ва телесериалларда ҳам суратга тушган. Коул уч марта турмушга чиққан, унинг биринчи турмушидан битта ўғли бор.