Чилонзорда нашафуруш 20 кишилик дозани сотаётганида қўлга олинди

Тошкент шаҳрининг Чилонзор туманида нашафуруш 20 кишилик дозани сотаётганида қўлга олинди. Бу ҳақда “Огоҳ” газетаси хабар бермоқда.

Айтилишича, Амир Жалилхонов 16 ёшидан наша чекиб келган. Кейинчалик у ўзидан ортган моддани бошқаларга сота бошлаган.

Шу тариқа бир куни у Зоҳид исмли шахс билан танишиб қолган. Зоҳид унга 20 кишилик қовурилган наша дозасини буюртма қилган. Амир қўлидаги моддани қовуриб, 4 пакетга жойлаштирган, 3тасини Зоҳидга тақдим этган ва эвазига 75 минг сўм олган.

Бу факт ҳуқуқ-тартибот идоралари томонидан ўрганилиб, қонунбузарлар қўлга олинган.
Жалилхоновнинг уйидан 4-пакетдаги наша топилган.