“Россия 1” телеканали продюсери мухлиси томонидан калтакланди

“Россия 1” телеканали продюсери Юлия Бондарёва мухлиси ва эски таниши Денис Ф. томонидан беаёв калтакланди.

Айтилишича, Юлия синглиси билан бирга Ессентукига командировкага борган. У ерда улар Дениснинг уйида тўхташган. 38 ёшли эркак илгари бир неча бор Юлияга турмуш қуришни таклиф қилган, аммо ҳар сафар рад жавобини олган. Бу сафар ҳам у ўзини ғалати тута бошлаган, шу боис аёллар 4 январдан 5 январга ўтар кечаси унинг уйидан кетишга қарор қилишган.

Қурбоннинг синглиси Оксана Бондарёванинг ҳикоя қилишича, уларнинг кетиш қарори ҳақида эшитган эркак Юлияга ташланиб, кийимларини йиртиб ташлаган, ерга йиқитган ва тепкилай бошлаган. Оксана опасини ташқарига олиб чиқиб кетишга муваффақ бўлган, сўнг полиция ва тез ёрдамга қўнғироқ қилган.

 Юлия уч кундан буён шаҳар шифохонасида ётгани айтилмоқда. Унга бир нечта пластик операция ва ҳатто бош суяги трепанацияси талаб қилиниши мумкин. Денис шифохонага келиб, опа-сингиллари аризаларини қайтариб олишлари учун 130 минг рубль таклиф қилган. Кейинроқ у полиция томонидан қўлга олинган ва айбига иқрор бўлган.