Хонанда Канизанинг машинасига ўғри тушди

Шу йилнинг апрель ойида концерт дастури давомида ўтадиган тўй маросимига тайёргарлик кўраётган хонанда Канизанинг машинасига ўғри тушди. Бу ҳақда Sayyod.com сайти хабар бермоқда.

Айтилишича, 8 январь кечаси Каниза Тошкентдаги Amaretto Restaurant олдига ўзининг шахсий Porsche Cayenne машинасини қўйиб, дугоналари билан овқатланиб, соат 21:00ларда қайтиб чиққанида, машинасининг орқа тарафидан ойнаси синдирилганини кўради.

“Машинам ичида 2.5-3 млн сўмлик Cavalli сумкам, 10 минг долларлик Vertu телефоним, 400 долларлик Fleur Narcotique атири, булар ҳаммаси менга совға қилинганди, ва яна қимматбаҳо ҳамён ҳамда 300 мингча сўмимни ўғирлаб кетишди”, - маълумот берди қўшиқчининг ўзи.

Каниза, шунингдек, мазкур масала юзасидан милиция мурожаат қилмаслигини маълум қилди: “Йўқ, чунки бундан аввал хам бошқа машиналаримдан 4-5 маротаба шундай ўғирлатиб қўйганимда уларга мурожаат қилганимда ёрдам бера олишмаганди, шу сабаб хам яна бехуда ёзув-чизувлар билан вақтимни кетказмай дедим”.

“Бошқа тарафдан, концерт ва тўйим олдидан бош-кўзимиздан садақа дедим, лекин энди бундан буёғига машинамда ҳеч нарса қолдирмайдиган бўлдим. Борган жойимга керак бўлса машинамдаги ҳамма нарсамни кўтариб олиб кирсам кираманки, лекин энди бошқа нарса қолдирмайман”, - хулоса қилди хонанда.