«Оҳангаронцемент» 2015 йилда 230 минг тонна цементни экспорт қилди

«Оҳангаронцемент» корхонаси 2015 йилда 1,771 млн тонна ёки 2014 йилга қараганда 4,1 фоизга кўп цемент ишлаб чиқарди. Бу ҳақда “Евроцемент Групп”га таяниб UzDaily.uz хабар қилди.

Корхонада, шунингдек, 1,282 млн тонна клинкер - цемент ишлаб чиқариш учун яримфабрикант тайёрланди. Бу борадаги ўсиш кўрсаткичи бир йил ичида 3,4 фоизни ташкил этди.

Кончиларнинг 12 ойлик меҳнатлари эвазига йил давомида 1,88 млн тонна оҳактош ҳам ишлаб чиқарилиб, режа 2014 йилдагига қараганда 15,5 фоизга ошириб уддаланди.Комбинат томонидан 41 162 тонна темир-бетон маҳсулотлари ишлаб чиқарилди.

Ишлаб чиқарилган цементнинг 229 268 тоннаси экспорт қилиниб, 2014 йилга қараганда 63 238 тонна кўп маҳсулот хориж мамлакатларига сотилди.