"Омон қолган" фильми МДҲ кинопрокатида етакчилик қилмоқда

Бош қаҳрамон Леонардо ди Каприо томонидан жонлантирилган "Омон қолган" фильми МДҲ ҳудудидаги кинопрокатларда катта қизиқиш билан томоша қилинмоқда ва бу борада етакчига айланган. Бу ҳақда 2016 йилнинг 14 январидан 17 январигача бўлган кунлар кўрсаткичига асосан, Kinobusiness.com хабар берган.

Қайд этилишича, "Омон қолган" фильми ўтган ҳафта охирида Россия кинотеатрлари бўйлаб 212,2 млн рубль маблағ тўплаган. Фильмнинг МДҲдаги жами даромади эса 834,66 рублдан ошган.

Бу борадаги иккинчи ўрин Квентин Тарантинонинг "Жирканчли саккизлик" фильми бўлиб турибди. Унинг Россия кинопрокатида тўплаган маблағи 141 млн рубль.

Учинчи ўрин эса "Элвин ва Бурундуқлар: Катта саёҳат"га тегишли. Бу фильм ҳафта кинопрокати натижаларига кўра 131,02 млн рубль йиққан.

Кейинги ўринда "Крид: Роккининг мероси" (39,93 млн рубль). Бешинчи ўриндан эса россияликларнинг «Самый лучший день» (29 млн руб.) фильми жой олган.

Ди Каприо учинчи марта «Олтин глобус» мукофотини қўлга киритди

Ди Каприо олтинчи марта «Оскар» мукофоти учун номзодлар қаторида

Ди Каприо "Омон қолган" фильмидаги роли учун АҚШ кинотанқидчилари томонидан мукофотланди

«Омон қолган»: нима учун Леонардо Ди Каприо албатта “Оскар”га эга бўлади

Kun.uz сайтидан ди Каприо ижросидаги “Омон қолган” фильмига тақриз