Британиянинг энг серфарзанд оиласи 19 фарзандининг туғилишини кутмоқда

Буюк Британиянинг энг серфарзанд оиласи 19 фарзандининг туғилишини кутмоқда, деб хабар бермоқда Metro нашри. Гап Ланкаширда яшовчи Рэдфордлар оиласи ҳақида кетмоқда. 45 ёшли Ноэл ва 40 ёшли Сью Рэдфорднинг 18 нафар фарзанди бор, ҳозирда уларнинг энг кичик фарзандлари бор-йўғи 8 ойлик.

2014 йилда жуфтлик 18-фарзанд улар учун эҳтимол энг сўнгги фарзанд бўлиши мумкинлигини айтишганди. Кейинроқ эса Сью Рэдфорд ҳеч қачон “ҳеч қачон” демаслигини айтган. Эндиликда у янги ҳомиладорлик “катта сюрприз” бўлганини айтмоқда. “Бу янги йилнинг ажойиб бошланиши”, демоқда кўп фарзандли она.

Эр-хотин бир-бирларини ёшликларидан бери танишади. Аёл биринчи марта 14 ёшида ҳомиладор бўлиб қолган. У болани қолдиришга қарор қилган, чунки унинг ўзи ҳам, турмуш ўртоғи ҳам туғилганларидан кейин бошқа бир одамларга боқувга бериб юборилганлар.